" مرض نادر "
ينظر لها دكتور بُلبُل من الأسفل إلي الأعلى وهو في قمة
الإندهاش والتعجب من جمالها الأخاذ
لا يستوعب ولا يتحمل كل هذا الجمال الأنثوي المُتفجر
.. يقف وهو يبلع ريقه ويشاور بيده لعصافير
للخروج من غرفة الكشف .
عصافير روحي حضري الشربات اطلعي بره واقفلي الباب بمليون ترباس . مليون
ترباس يا عصافير
انتي سامعه . طيري اتحركي انطلقي رفرفي .
تحت امرك يا دكتور .
تخرج عصافير وتغلق الباب .. ثم ينظر دكتور بُلبُل لناديه
مُبتسماً .
كان اسعد يوم .. يوم عيد ميلادي ويوم ماشوفتك يا اَنسه
ناديه . اتفضلي اقعدي ريحي ركبك وجمالك
الفاجر يا
انيستي العزيزه .
مرسي خالص دكتور بُلبُل مرسي .
لا مرسي علي واجب .. بعيداً عن جنوني بجمالك العظيم و
تضاريسك الجغرفيه ومرتفعاتك ومنخفضاتك
الدهليزيه البهيه الهنيه .. انا يهمني صحتك أولاً
وقبل أي شيء .. طمنيني . خير مالك سلامتك اَلف سلامه .
بصراحه .. انا كنت في مهمه ومالكش دعوه مهمة إيه ... دوخت فجأة وحسيت إن نفسي غامه عليا
سيبت المهمه وكل اللي ورايا واخدت العربية وجيتلك .. انا
قلقانه علي نفسي .
لا لا ماتقلقيش خالص طول ما انتي معايا .. انتي شابه زي
الفل . بس المشكله علي ما أعتقد هي الحمولات
الزياده اللي انتي محملها
علي جسدك ده مايرضيش ربنا ابداً ولا يرضي ركبك
ولا يرضيني انا شخصياً
طيب والعمل يا
دكتور بقولك حاسه بغامه ونفسي دايخه عليا
.
قصدك حاسه بدوخه
ونفسك غامه ع ..... يا نهار أسود ومنيل بستين هباب مطين بستين ليله سوده
إزاي ! مش معقول !
مش موصول ! إزاي ده يحصل .. قومي
قومي روحي عند الستاره اللي هناك دي
استلقي علي السرير
اللي وراها . انتظريني هناك .. اتحركي بسرعه .
تقوم ناديه وهي
مرتبكه ومندهشة تذهب خلف الستاره ..
الو ... الووو
..... عصافير ... هاتيلي جهاز كشف الحمل البدائي المتقدم وتعليلي غرفة الكشف فوراً .
***
قرية البرانس والبرنسيسات
قصر برنس البرانس - حديقة القصر
الثانيه ونصف
بعد منتصف اليل .
إدوارد و شانيل
و بجعه جالسين تحت برجوله متطرفه بعيداً
عن الإحتفالات والزحام والضجيج .
يعني إيه يا أستاذ إدوارد مش بيرد عليك انا خايفه علي
أستاذ نادر أوي . انا قلقانه يكون حد خطفه .
لا ماتقلقيش يا بجعه . هو لو حد خطفه مش هيخطف معاه
العربية ... انا كل اللي قلقان منه إن نادر
فالوقت ده يُعتبر ناديه . وده يُعتبر أضعف وقت بنمر بيه
في المهمه وشرفنا بيتبهدل ... انا مش عارف
افكر مش عارف . عقلي وقف عن التفكير ومش عارف اتصرف .
إدوارد انا
خافيه خافيه . قومي نروح بيت قومي نمشي .
ماتخفيش يا شانيل عيب تقولي الكلام ده وانتي معايا إياكي تخافي .... انا جاتلي فكره هايله .
واحنا جايين القصر لمحت بعيني اسطبل خيول و زريبة حمير جنب
القصر .. عايز كل وحده فيكم تسمعني
كويس لإن انا القائد دلوقتي بعد استشهاد القائده
المفقوده ناديه .. احنا هنتحرك بهدوء دلوقتي من غير ما أي
حد ياخد باله .. ونروح الزريبه نسرق تلات حمير ونمشي من هنا ..
فكره هايله يا أستاذ إدوارد أنت فعلاً قائد عظيم .. بس انت قولت كان فيه اسطبل خيول قريب من
الزريبه
ليه ناخد حمير و فيه خيول . ده حتي الخيول اسرع .
للأسف يا بجعه للأسف . مابعرفش أمطتي غير الحمير انا في إمتطاء
الحمير فارس الفرسان .
***
أخصائي
ذكوره وعقم وأعضاء تناسلية وجلديه و نساء وتوليد
وغدد حفظاء صماء
الثالثه بعد منتصف الليل .
دكتور بُلبُل جالس علي مكتبه صامت يبدو عليه انه غير
مستوعب ومتأثر .. ناديه منتظره منه أن يتحدث .
مالك يا دكتور بُلبُل . طمني فيه إيه قلقتني اعصابي مش
مستحمله كل القلق ده فيه إيه .
مدام ناديه ... مين اللي القذر اللي عمل كده .. انا إستحاله ضميري يسمحلي إني أشارك في عملية قبيحه
زي دي واخليكي تسقطي الجنين مُستحيل .
قبيحة إيه وجنين إيه فهمني ... هو انا حامل ! ........
انا حامل !.
أيوه حامل وأرسلت عصافير بعينة دي إن إيه فوق في الدور
الرابع علشان اعرف مين القذر ابن القذره
اللي عمل معاكي كده .
من غير ما تتعب نفسك و ترسل عصافير ... انا هقولك مين
اللي عمل كده . بس ماتتعصبش انت مش
ابويا مفهوم . إياك تتعصب .
قولي يا هانم قولي ... مهو العار مش سايبني ولا سايب
مُمرضاتي ولا حالاتي . إنطقي .
إدوارد ...
إدوارد اللي سحبني من إيدي علي الأوضه وغواني وأثر عليا وانا ...... انا ضعفت ..
انا
ضعفت في إيده زي الذبده .
ذبده ! .. انا مش مُتخيل ... انا مش مُتخيل التضاريس
والهضاب والجبال دي كلها تضعف إزاي
إزااااااااااي هشد ف شعري يا ناس
.
***
ڨيلا نادر وشهد - الجونه
الرابعه فجر . غرفة شهد .
شهد مستلقيه علي السرير واضعه وساده فوق رأسها هتتجنن من
صوت الشخير الصادر من خلف شباك
الغرفة .
يارب ... يارب انا استاهل ضرب الجزم إني قولتله نام تحت
الشباك علشان أحس بأمان انا اللي استاهل
مش عارفه أنام
مش عارفه أنااااام .. لو كان بينبح ولا يهوهو كان أرحم بكتير من اللي انا
سمعاه ده ..
طيب . صبرك عليا يا كراويه ..
تقف شهد وهي في قمة النرفزة وتمسك بزجاجة مياه ... وتتجه الي الشباك .. تفتحه
. لتجد كراويه امامها
وجها لوجه .
يا مامي .. إيه ده خضتني الله يخربيتك . انت إزاي بتشخر وانت واقف
كده . واقف كده ليه انطق .
انتي فاكراني نايم وبشخر عيب عليكي . انا واقف أحميكي و أونسك
يا شهد مدام علشان تنعمي بنوماً
هنيئاً هادئاً وانتي
بتكلي رز بالبن مع الملايكه .
رز بالبن . تتصدق انا نفسي في حاجه حلوه ... تعالي ادخل
نط ... علي مهلك حاسب راسك تتخبط ..
تعالي نروح نشوف إيه الحلو اللي
موجود في التلاجه .
يلا بينا يا أجمل مُطلقه فالتاريخ .
مُطلقه ! ............. بلاش تقولي مُطلقه تاني من فضلك
.. ممكن .
تتغير ملامح شهد و تهدأ و تجلس علي السرير صامته يبدو عليها الزعل .. تسرح و تتذكر ..
فلاش باك
نفس الغرفه .. نفس السرير .. شهر العسل .. اللقاء الرابع .
نادر ... هتعمل إيه .... فيه إيه .. يا ينهاري براحه طيب براحه .. نادر اسمعني طيب نادر بطل .
عيون نادر .. روح نادر .. قلب نادر .. دخان سيجارة نادر
.
انت وعدتني لو ربنا وفقنا وجبنا بنت هنسميها درة ولو ولد هنسميه رامي . صح ولا مش صح .
أيوه صح صح جداً .. مش لما نبتدي الأول في المشروع اللي
هيجيب الأسامي دي كلها إن شاء الله
ولا انتي كل مشاريعك علي السرير ده أحلام و رغي وخلاص .
يرن هاتف نادر ... يضحك نادر بهستريا وهو ينظر لها ..
يقف ويتركها متوجها الي الباب .
شوفتي .. ثواني يا عيون نادر ثواني وراجعلك ... الو .
طيب ما ترد وتتكلم وانت هنا مش لازم تخرج بره الأوضه .
معلش ده شغل يا شهد
شغل وفلوس اللي هتأكل درة و رامي .
يخرج نادر من الغرفه وهو يرد علي إدوارد .
ههههه الله يخربيتك اتأخرت ليه انت لحقتني في اخر لحظه
.. معايا بقي علشان هدخل الأوضه تاني
مش معقول انت بتقول إيه ! .. يعني اتمسك بالمخدرات
فعلاً .. ده فنان مشهور ... لاء لاء
ماتكلمش حد
هغير هدومي وهلبس أهو .. قوله مايقلقش مسافة السكه وقت
رحلة الطياره بس وهكون معاه .
في إيه يا نادر شغل وزفت تاني انا طهقت طهقت هو كل مره
كده .. طلقني أنا عايزه أطلق .
عيب تقولي كده يا شهد مش هرد عليكي وكأني ماسمعتش حاجه .. سيبيني اغير هدومي وانزل علشان
الراجل ممكن يلبس حبل المشنقه
.
إنتهاء الفلاش باك
العودة لشهد و كراوية
اقعد ........ اقعد جنبي يا كراويه ..
مايصحش يا شهد مدام .
إتهبب اقعد جنبي هنا اهو ....... أيوه كده ..... قولي .....
انت .... انت عمرك بوست وحده .
أنا لاء عمري ما
بوست وحده ... بس ممكن ابوس .
طيب بوسني ..
فين .
هو إيه اللي فين يا غبي انت ... هو الراجل بيبوس الست فين .
الراجل بيبوس الست وهي مسافره . او بيبوسها وهي بتودع
الدنيا علي سرير فالمستشفي . بيبوسها هنا
فالحته دي علي جبهتها .
علي جبهتها ! ... ممم ..........
اقلع ........ اقلع كل هدومك .
شهد مدام اعوذ بالله اقلع إيه ... إيه اللي بتعمليه ده
انتي بتقطعي هدومك ليه .. سيبي ايدي ابوس ايديك
طيب اكبحي جماحك براحه براحه طيب مش عارف اتنفس مش عارف
اتنفس هموت لاء ماتبوسيش
ماتبوسيش إلحقيني
يا جوليت هو هو هو .
والله لو هوهوت و عملت فيها ستين كلب في بعض كلكم كلاب كلاب
.
طيب وانا مالي انا طيب .
***
قرية البرانس والبرنسيسات
طريق ريفي
العاشره صباحاً .
إحنا ماشيين بقالنا كتير يا قائد وتعبنا والحمير تعبت . وشانيل نامت انا خايفه لحسن تقع من علي الحمار .
اجمدي يا بجعه .. فاضلنا خمسه و خمسين مليار خطوة حمار ونوصل البيت إن شاء الله .
وانت حسبتها إزاي دي يا أستاذ إدوارد .
هه حسبتها إزاي .. انتي مع اكبر خبير حمير فالوطن العربي
يابنتي ..
إيه ده إلحق يا أستاذ إدوارد مش دي عربية أستاذ نادر اللي جايه هناك دي ..
شاورله شاورله بسرعه
ايوه هو .. هو نادر .. نادر حبيبي حبيبي . يا مانت كريم
يا رب .
***
ڨيلا إدوارد
الريسبشن .
يدخل نادر ثم تاليه شانيل ثم بجعه ثم إدوارد .
اتفضلوا ادخلوا يا حمير راكبين حمير وانا موجود قصدي ماستنتوش
ليه لما أرجعلكم و أوصلكم . أغبيه
نسيتوا كل الكاميرات والمايكات و أجهزة التسجيل .. منكم
لله كنت خلاص هلبس الدحديحي الكلابشات هو
واللي معاه كان
فاضل خطوه وحده بس ويلبس حبل المشنقه . العيب مش علي النسوان اللي معاك يا إدوارد
العيب عليك انت علشان انت أثبتلي إنك زيهم ومش أقل منهم انت مش
أقل منهم يا إدوارد ..
يرن هاتف إدوارد ..
اهدا بس يا نادر ماتعملش فنفسك كده ...... الو ... مين
معايا .... دكتور بُلبُل . منور . لاء مش مشغول
فصيلة دمي أنا . خير في إيه هو انا عملت حادثه وانا مش
واخد بالي ولا إيه ..... يعني إيه مصيبه كبيره
وأكبر من حادثه .....
ماتفهمني فيه إيه يا بُلبُل بيه ..... يعني إيه هتفهمني لما
أجيلك . ماتفهمني هنا اصلي
كنت راكب حمار وتعبان
ومش هقدر اسوق ... الو .... الو .
ااااااف ...قفل السكه في وشي .. مش عارف دكتور بُلبُل
عايزني أروحله العياده لوحدي ليه
علي العموم هروح وهرجع بسرعه مش هتأخر ... شانيل وبجعه ياريت
تعملولنا غدا كويس نتجمع
عليه كلنا النهارده يا ريت تعملوا حمام و ستيك ومحشي ورق التوت البري . عن إذنكم ..
إدوارد ..... ثواني ...... عايز أقولك حاجه قبل ما تمشي
. انا اسف علي كل اللي قولته ليك من شويه
ابوس ايدك اسف .
وتبوس ايدي ليه يا نادر ماتتأسف من غير ماتبوس إيدي .
خلاص امشي في داهيه .
***
ڨيلا نادر وشهد - الجونه
حديقة الفيلا
الواحده ظهراً .
كراويه جالس
وسط مشتل الورد يبدو عليه الندم وتأنيب الضمير . يقطف ورده
ويشمها . يُعجب برائحتها
يقضمها ويمضغها وهو في قمة الحزن .. يشعر بغثيان يبصقها فالحال .... تأتي له شهد .
كراويه ... مالك ... ارحم نفسك شويه من الورد اللي بتكله
ده اللي حصل حصل ... وبعدين الناس فالحاله
دي بتدخن سجاير مش بتاكل ورد .
انا كده و دي حياتي وانا حر فيها .
حياتك فعينك ... انت بجد مش سعيد ... انت ليه عبيط ده مليون راجل غيرك يتمني اللي حصل ده .
بس اسكتي متكلمنيش مش قادر اتخيل ... انتي .. انتي تعملي
فيا كده .. ده انا أمانه يا شيخه في بيتك
ده انتي حتي مارحمتنيش وانا بتفحتش بالدموع .
طيب انا اسفه ... ممكن تقولي هو إيه اللي ممكن يخليك
إنسان سعيد ... قولي يا كراويه علشان
خاطري عايزه اعرف .
اللي يخليني إنسان سعيد .. لما اقولك خبر يرعبك ... فيه
نحله وقفه علي شعرك وتقريبا دخلت مابين
شعرك وتاهت .
لااااااااااااا يا مامي لااااااااااااا إلحقني موتها
لاااااااااااا موتها بسرعه .
ليها حق تعشش في شعرك يا شهد مدام علشان اسمك علي مسمي شهد .. ليها
حق تشرب وتحتسي
من رحيقك . سيبيها . سيبيها تحتسي براحتها . مهي لو محتستش
هتحتسي منين . هتحتسي منين غير
من أجمل وأرق واعظم ورده فالوجود ... يااااااااااه ... بجد
اسم شهد له رونق الأرانك . ولا ملامحك
و لا عنقك ناصع البياض من أعنق الأعانق ..... هو ده ..
هو ده اللي بيخليني إنسان سعيد وانتي
مرميه
كده فحضني ووشك قصاد وشي و عيونك
بصالي . خليكي بصالي خليكي .
طيب النحله يا كراويه النحله فين . خلي اللي انت بتقوله
ده بعدين بعدين النحله فين بقي فين .
تف ...
الله يقرفك .. الله يقرفك . انت مسكتها بسنانك ... ياربي
كل طباعك وموصفاتك بلاك جاك .
طبعا لازم أكون بلاك جاك طبعا .. كنت بسمعه زمان .
كنت بتسمع بلاك جاك !.
كنت بسمعه وماكونتش بنام إلا علي صوته حتي بالأماره ده مطرب أجنبي مشهور صح .
أيوه صح أيوه كلامك صح يا كراويه . وعمل هوهوات كتير جداً . قصدي ألبومات .
***
أخصائي ذكوره وعقم وأعضاء تناسلية وجلديه و نساء وتوليد
أستاذ إدوارد
.. تهنينا وأمانينا وحكاوينا
الحاره مش من جوه ولا من بره .
الله يخليك يا دكتور . هو انت بترحب بيا ولا بتقول فزوره
انا مش فاهم حاجه بس اكيد اللي انت بتقوله
حاجه حلوه .
أيوه حاجه حلوه ومسكره
تتصدق انا أنشرح قلبي واعتز غروري مع فراق عنفواني وكبريائي لما عرفت
الخبر .
خبر إيه يا دكتور انا مش فاهم ياريت توضح . وبعدين
انت ليه اخدت مني دم كتير انا جالي هبوط .
اسمع يا سيدي .... جايلك في الطريق اللي هيقولك يا بابا مبروك يا أستاذ إدوارد اَنسه ناديه البكر
الرشيد
العفريته الملبوسه حامل منك .
ناديه الإيه ! البكر الرش ..... يا نهار اسود انت بتتكلم بجد مني أنا مني أنا .
أيوه منك أمال من امي ... من هنا ورايح رعاية ناديه
وراحتها انت هتتكفلها لحد ما تولد وتموت بالسلامه
ودي مصاريف كشف ورعاية حمل ومصاريف دي إن إيه و إثبات
ابوبه وامومه . نص مليون جنيه ..
اتفضل اطلع و ادفع الفواتير دي كلها بره فالحسابات عند
عصافير .. الكشف انتهي .
متشكر شكراً جداً يا دكتور تعبناك معانا .. مع السلامه .
استنا .. يا ريت وانت بره تبلغ عصافير تجبلي عصير
الطماطم المُعتاد بتاعي من فضلك .
حاضر يا دكتور هبلغها .. بعد إذنك .
استنا ... يا ريت تقولها لو جابت العصير وماعمليش حموضه
هرجعها بيه وتعمل عصير غيره
لازم يعملي حموضه ويحرق صدري .
حاضر يا دكتور هقولها ... تأمر بحاجه تاني .
اه استنا نسيت ... قول لعصافير تدخلي حالة مدام شهوات
علشان منتظره بقالها كتير .
حاضر هقولها
تأمرني بزفت تاني .
لا متشكر جداً أستاذ إدوارد اتفضل اتهبب امشي واقفل الباب وراك .
***
سيارة إدوارد
إدوارد هيتجنن من اللي حصل بيكلم نفسه وهو سايق .
ليه ... ليه ادفع انا نص مليون جنيه واتحمل كشف دي إن
إيه ابوبه وأمومه ورعاية حمل وولاده وعيل
هيتولد .. ده انا مخلفتش من مراتي علشان أعيش وحيد و
سعيد منك لله يا نادر هلطم علي وشي منك لله .
***
ڨيلا إدوارد
الرابعه عصراً .. الريسبشن .
يدخل إدوارد البيت وهو متغاظ ومتعصب ومتنرفز ... يصعد
السلالم الداخليه سريعاً ويتوجه لغرقة نادر .
يفتح باب الغرفه بعصبيه . يجد نادر يحلق ذقنه داخل حمام
الغرفة . يتوجه إليه وينظر له .
بقي انا العيب فيا أنا
والمهمه خربت علشان أنا مش أقل منهم .. انا مش اقل من شانيل وبجعه يا نادر
اتاريك بتقولي انا اسف ابوس ايدك لما انت لقيت البروفيسور بُلبُل بيتصل بيا .
اهدا بس يا إدوارد اهدا وهنتفاهم ... أولاً حسك عينك
تكلمني انا كلمها هي اتفاهم معاها هي
و ماتلومنيش انا يا أخي . لو هي ماشيه علي حل شعرها وحامل
منك اكسرلها ضلع وعلمها الأدب .
حاضر يا نادر .... حاضر انت تأمر . هكسرلها ضلع .
إدوارد ... متتعصبش وتتنرفز وتتهور وانت بتكسرلها الضلع
.. افتكر ديماً إنك انت الكبير .
إدوارد نادر يلا يلا الغدا جاهزه ..
حاضر يا شانيل روحي انتي واحنا جايين وراكي .
إدوارد ابوس ايديك ... لا بجعه ولا شانيل يعرفوا حاجه
لحد ما المولود يشرف .. اوعدني .
حاضر ... حاضر يا نادر متقلقش اوعدك .
بالحضن بقي .... والله والله يا إدوارد سبوع المولود
عليا انا في اكبر فندق في مصر . الف مبروك
الله يبارك فيك . اه صحيح نسيت . الدكتور بُلبُل اخد مني
نص مليون جنيه النهارده رعاية حمل ودي إن
إيه و إثبات ابوبه وامومه
وحفضات مواليد حديثي الولاده .
هدفعهملك يا إدوارد .. هدفعهملك علي الجزمه .
***
عيادة الدكتور بُلبُل
الببلاوي
أخصائي ذكوره وعقم
وأعضاء تناسلية وجلديه و نساء وتوليد
وغدد حفظاء صماء
الرابعه والنصف عصراً
مدام شهوات ... انا مُطرنح وتعبان جداً النهارده . جالي
حالات كتير . يا ريت تخشي فالموضوع
من غير مُقدمات وكلام مثير للفتنه . علشان انتي بكلامك
ده بتخليها تستيقظ .
هو انت مش دكتور وده عملك و شغلك .. انا مش شايفه أي
مشكله او حاجه غلط في اللي انا بقوله .
يعني إيه اسقطك للمره المليون ... انا عن نفسي تعبت من
كتر العمليات اللي بعملهالك . انتي مابتهمديش
وتتعبي وتتهدي عليكي و علي اللي جابوكي انتي وجوزك .
اطلقوا احسن يا شيخه وريحوني انا
وديني .. شوفي وديني .
لأديكي حقنة تمنع السقوط ضد السقوط وإبقي قابليني لو العيل ده نزل وشاف
الدنيا حتي ولو بعد تسع
شهور . انا حلفت .
***
فيلا نادر وشهد - الجونه
الخامسه مغرب .
الريسبشن .. المطبخ .
كراويه جالس يشاهد التليفزيون وهو مُستمتع . في يده
تفاحه يقضمها ... تنظر له شهد وهي تقوم بإحضار
الغداء من داخل المطبخ القريب يبدو عليها السعاده .. يلمحها كراويه بطرف عينه
وهي تنظر له .. فيبتسم
لها .
فين ..
فين إيه يا كراويه .
فين يا شهد مدام فين .
فين إيه ماتقول .
فين البوسه اللي بتطيريهالي فالهوا كل هفوه والتانيه .
عايز بوسه .. اهو
موووووووووه .
يلتقط كراويه
البوسه من الهواء وكأنه يتذوقها .
مالك يا كراويه انت بتعمل ليه كده .
تعالي .. تعالي هنا جنبي وسيبي العضم اللي بتطبخيه ده
يولع علي صحابه واللي طلبه .
لاء مش هاجي ... انا خايفه منك ..
طيب خليكي . متتعبيش نفسك يا وردتي القرونفليه . هاجيلك انا .
يتوجه كراويه لشهد . ويقف امامها وينظر لها .. يضع رأسها
بين كفيه ويقبلها علي جبينها بهدوء .
الله يخربيتك ... هو انا مسافره ولا مرميه في المستشفي و
هموت .. انت بتبوسني ليه من هنا .
شهد مدام .. هو ........ هو ...... لو انا وانتي خلفنا
... المولود يقربلي إيه علشان مش بفهم فالحاجات دي
يعني ... انا هبقي أبوه ولا جده ولا خاله ولا عمه ... ديماً بشوف الناس بتقول يا بابا او
يا جدي او يا خالي
او يا عمي ... انا بقي بالنسبه للي حصل ما بنا واللي في
بطنك ده أبقي إيه هه أبقي إيه .
انت ..... انت تبقي حبيبي يا كراويه حبيبي وعمري وروحي
وكل حياتي اللي معشتهاش وهعيشها معاك .
انتي عايزاني أبوسك فين قولتي ..
***
عيادة الدكتور بُلبُل
الببلاوي
أخصائي ذكوره وعقم
وأعضاء تناسلية وجلديه و نساء وتوليد
وغدد حفظاء صماء
بعد مرور خمسة أشهر .. العاشره مساءً
غرفة إنتظار الكشف ..
ناديه في قمة أناقتها جالسه بين بعض الحالات في غرفة
الإنتظار وهي تمضغ لبانه وتتصفح الموبايل
تدخل شهد من الباب وتبحث عن
مقعد فارغ . فتجده وتتوجه إليه . وتجلس بجوار ناديه .
دمتم بخير : محمد فيوري . كل عام وانتم بخير عيد فطر مبارك .
" جزء جديد قريباً "
تعليقات
إرسال تعليق