رومْدان و رومْدانه
فانتازيا ما بين الحقيقة و الخيال
مرحباً بكم .. مرحباً بكل من يسكنون كوكب الأرض .. أتمني
لكم عام جديد سعيد علي الجميع
أقولها لكم من كل قلبي ومن داخل صميم أعضائي الإليانيه . حقاً . أتمني لكم عام سعيد .
أنا صديقكم رومدان
سعيد إستبحس رومدان . جنسي هو من أجناس
الرماديون الإستبحسية
أنتمي إلي أكبر عائلات الإستبحس . نحن كائنات إستبحسية هائمة في الفضاء الشاسع و الأماكن
القريبة منكم و البعيدة
جئت إليكم أنا وأختي الصغيره الغالية رومدانه . أكيد طبعاً اسمها رومدانه سعيد إستبحس رومدان
وأكيد من نفس الإستبحس عذراً أقصد
من نفس الأب . أبونا سعيد إستبحس ربانا أحسن تربيه . وتعلمنا
في أكبر وأعرق مدارس الفضاء الشاسع . أتذكر حينها . كانت
مدرستنا تطل علي كوكب زحل ذو الحلقات
الدائرية و ألوانه المُبهجة ..... لكن .... طفولتي كانت
مُختلفة تماماً عن باقي طفولات الأطفال .. عذراً
ياريت تستحملوا لغتي العربية . لأنني تعلمتها للتو تعلمتها في كسور
الكسور الكسور من الثانيه الضوئية
طفولتي كانت
مُختلفة . لا أريد التعلم كباقي أصدقائي الأليانيين الصغار . كنت أشعر بإختناق
داخل مدارسنا
الإليانية المُعقدة
للغاية .. حقاً كنت أشعر بإختناق رغم إني لا أتنفس أكسجين مثلكم
. كنت دائم الهرب
من المدرسة . أذهب طائراً مُحلقاً في الفضاء
و أرحل بعيداً عن المدرسة و زمنها الدراسي الشاق العنيد
وأجلس ... نعم كنت أجلس .. أجلس فوق حلقات زحل و أنا
أنظر إلي كوكبكم ... كوكب الأرض الأزرق
و أتأمله و أسرح بخيالي الإلياني البريء .. كنت طفل
مسالم لا به ولا عليه . يستيقظ من النوم هو واخته
الصغيره رومدانه .. نستيقظ فقط .. لأننا لا نملك صباح ومساء مثلكم .
أوقاتنا لا بداية لها و
لا نهاية
لا تُحسب .
***
اصحي معاد المدرسه يا رومدان ... يابني أصحي ماتتعبش
قلبي كل مليون سنه ضوية علشان تصحي
مش كل طلعة مليون سنه ضوئية علي الحال ده . انا طهقت .
أيوه يا أمي صحيت صحيت من الهباب النوم . صحتيني من أجمل
حلم في حياتي الإليانية كلها .
طيب . صحي أختك رومدانه هي كمان . واغسلوا عدسة عينيكم
بمعجون الأسنان أكون حضرتلكم الفطار .
***
كنت أستيقظ من النوم علي صوت أمي المحسوس داخل جُمجُمة
رأسي بذبذباته المُزعجه . وأذهب مُحلقاً
في الفضاء علي الفور . و أطير ثلاث دقائق ضوئية حتي أصل إلي غرفة نوم أختي المتواجده .. علي
سطح كوكب نبتون
.
***
رومدانه .... رومدانه .... أصحي معاد المدرسة ... يابنتي
اصحي أمك هاتجيلك بالشبشب .
نعم عايز إيه ... أنا مش نايمه أنا صاحية من خمسين الف سنه ضوئيه مش جيلي نوم .
طيب يلا تعالي
معايا نروح البيت نفطر ونحضر نفسنا علشان نروح المدرسه اتحركي .
اممم .. المدرسة ... تتصدق أنا هقول بابا علي اللي أنت
بتعمله كل طلعة مليون سنه ضوئيه ومابتروحش
المدرسة و بتهرب .
بهرب !. أنتي
عرفتي منين .. أنطقي . قصدي تخاطري قولي
عرفتي منين .
اوعي سيب أيدي سيب دراعي ... أقولك علي حاجه يا رومدان ... أنا كمان بهرب .. وبروح حلقات زحل
واسرح في جمال الأرض .. مش أنت بس اللي بتعمل كده . حلمي
إني أزور الأرض و أتأمل وجوه
المخلوقات اللي عايشين عليها .. لكن زي ما أنت عارف
عائلة سعيد إستبحس محرمة علينا كوكب الأرض
أو حتي نشوفه بعدسات
عينينا الواسعه .
عارفه يا رومدانه ... أمك صحتني من أجمل حلم ... حلم
ماكونتش عايز أقوم منه أبداً . كانت أحداثه كلها
بتدور علي كوكب الأرض .
طيب احكيلي علشان خاطري احكيلي الحلم مش أنا اختك رومدانه الصغيره اللي بتحبها . علشان
خاطري .
حاضر هحكيلك وأمري لله .. هحكيلك الحلم يا رومدانه ..... كان يا كمال
قصدي كان يا مكان .
***
الولايات المتحدة الأمريكية . 2024
سيد ترامب .
كما تعلم .. نحن
من نأمر بايدن ونأمرك ونتحكم بالجميع . ونصنع رؤساء الولايات المتحدة الأمريكية
الدوله العظي التي لا تقهر .. علي مايبدو أن الخلاف
الحاد الدائر بيننا مُنذ فترة ليست بالبعيدة سيؤدي
إلي عواقب وخيمة ومشاكل نحن في غني عنها ، و من المُمكن
أن تنكشف الاعيبنا الهوليودية أمام العالم
نأمل بعدم التسرع أو أخذ قرارات غير محسوبة ، لأننا أصبحنا نستغرب
تصرفاتك الغير مُتزنه التي
أصبحت تصدر منك مراراً و أيضاً
تصريحاتك المُستفزة للغير . وهذا هو
أساس الخلاف بيننا ... تذكر ..
نحن من صنعناك وجعلنا
لك شعبية و أسم
لتكون رئيس أمريكا الكبرى و العظمي
ولا يصعب علينا أن
نصنع غيرك وغيرك وغيرك وغيرك
ها ها ها سيد
عميق ... لا أحد منكم أصبح يخيفني . فأنا كما قلت لكم أنا أصبحت مستقل . أنا ترامب
الجديد .. 2025 سأكون ترامب الجديد كلياً و بدونكم .. نعم أنا لا
أنكر أنتم من صنعتموني .. لكنني
قررت الإنسلاخ
و الإبتعاد و التخلي عنكم . و أنا علي
أتم إستعداد أن أتحمل كامل عواقب هذا القرار
حتي إذا كانت عواقبه .. الموت
***
رومدان ..... رومدان .... مالك سرحت ليه كمل .. يابني كمل . مين ترامب و مين أمريكا .
أنا مش فهمه
حاجه . علشان خاطري كمل و فهمني .. ساكت ليه .
بقولك إيه يا رومدانه .. دي أسرار حلميه ماقدرش أطلعها .
أنا غلطان إني ابتديت أحكيلك عن الحلم ده .
كده تستخسر حلم من أحلام الأرض في اختك رومدانه .. أنا
اختك رومدانه حبيبة مُقلتين عينيك الواسعه
خلاص مش عايزه أعرف براحتك ... لكن
لما أبن خالتك ربتلين مبربر يجي من جوف
الأرض في
الزياره الجايه هسهر معاه 2 مليون سنه ضوئية زي كل مره . ويحكيلي
إيه اللي بيحصل علي كوكب
الأرض .
قسماً عظماً يا رومدانه لو شوفتك بتكلمي ابن خالتك
ربتلين مبربر تاني هخنقك بأيدي وامنع عنك الأشعة
الكونية و تموتي مخنوقه انتي سامعه . وبعدين قولتلك ترليون مره هو من
جنس تاني غير جنسنا
هو من جنس المبربرين و أحنا من جنس الإستبحسيين . واستحالة
المبربرين و الأستبحسيين يتفقوا مع بعض
و كل كلمه بيقولها ليكي كدب و بيضحك عليكي .
علي فكره بقي ... هو قالي إن أصلنا من جوف الأرض مش من
الفضاء زي ما بابا قالي بالظبط . و بعدين
أنت ليه غيران منه أوي كده . ده مبربر قد المجره
كلها و متعلم و بيدرس و عارف أزمان سحيقه و عتيقة
و مستقبلية و
حاضرة .
ديماً بتمسكيني من الأيد اللي بتوجعني ... تحبي أكملك الحلم .
لاء مش عايزه أعرف .
علشان خاطري خليني أكملك الحلم .
طيب .. كمل .. كمل يا رومدان لما أشوف أخرتها معاك إيه .
***
سيد ترامب .
نحن أمامنا الكثير و الكثير الذي يجب علينا القيام به في الوقت المتفق عليه .. لا و قت للنزاع و الخلاف
بيننا .. كما انت تعلم جيداً أن السيده كامالا هاريس هي
الفائزه . لكننا تراجعنا وجعلناك الرابح بالإنتخابات
حتي لا نخسرك و نخسر مُمثل
مُبدع و موهوب . لا وقت أمامنا لابد من إتمام
المخططات المهولة التي لا
حصر لها وجاء دورك
لتحقيق البعض منها في فترة ولايتك التي ستبدأ في العشرين من يناير 2025
السيد ترامب .. أنا
أسألك للمرة الأخيرة ........ هل أنت مُستعد ؟
سيد عميق ...
أخبط رأسك في الحيط أنت وأعوانك . فجميع المخططات أنا قادرعلي القيام بها
بعيداً
عنكم .. نعم هي أفكاركم لكني سرقتها وسأقوم بها وحدي . وسأجعل أمريكا تعود الدوله العظمي
مرة
اخري و بقوة و
بدونكم ... أكرر ... بدونكم يا سيد عميق .
سيد ترامب
انت خدعت الناس والشعب الأمريكي والعالم أجمع . بتلك
التمثليات الهوليودية التي تعلمتها منا . لكنك قمت
بتمثيلها بكل غباء .. و محاولات إغتيالك الثلاث التي
كانت هي من صنعك كانت فاشله للغاية لا تقنع
الكثير من البشر .... لكن .... المره الرابعه بالتأكيد سيقتنعون
. سيقتنعون سيد ترامب . لأنها سوف تكون
الأخيره بالنسبة
لك و ستكون أعظم هدية منا .. نقدمها لك .
***
رومدان . رومدان . يابني أعمل فيك إيه !. .. بتسكت ليه فجأة و بتسرح ليه . كمل كمل .
بقولك إيه يا رومدانه .... بصراحه أنا ... أنا بكدب
عليكي ... دي حقيقه و مش حلم .
يعني إيه حقيقه و مش حلم ... أممم أنا كده كده مش فاهمه حاجه . بس بحب اسمع أي
موضوع يخص
الأرض والمخلوقات اللي
عايشه علي الأرض .
رومدانه .... فيه سر كبير أنا مخبيه عليكي أنتي وماما
وبابا من دشليون سنه ضوئية . أوعديني لو قولتلك
عليه ماتقوليش لجنس إليان ولا أي حد من عائلة إستبحس ولا
المبربرين أوعديني
يا رومدانه .
أوعدك يا رومدان عيب انا عمري طلعت سرك لحد ... فاكر
صحبتك اللي كانت اسمها زاحفه و كنت
بتحبها وماكنتش بتعبرك وسابتك و حبت إليان معضم غيرك .. شوفتني
جبت سيره لبابا ولا ماما .
طيب هقولك السر ... أنا ... أنا بزور الأرض أوقات كتير
.. وبشتغل كمان وبحوش فلوس أرضية .
يا كونك المهبب وثقبك الأسود . بتزور الأرض يا رومدان و بتشتغل و بتحوش فلوس أرضيه ده لو بابا
عرف هيع
اسكتي ماتكمليش اسكتي عارف . هيعلقني من رموش عيني .
طيب كمل ... قول فضولي هينهي علي إليانيتي الأرض حلوه زي ما بسمع . و بتشتغل إيه عليها .
الأرض جميله أوي أوي أوي يا رومدانه . بشتغل . بشتغل سواق درون و بكسب بالدولار الأمريكي
شوفتي .. بكسب لقمتي من عرق إليني مش زي
إبن خالتك ربتلين مبربر اللي انتي فرحانه بيه
.
بص يا رومدان أنا مايهمنيش أي حاجه من اللي أنت بتقوله
ده غير إني عايزه أزور الأرض و بس
ماليش دعوه بسيد عميق ولا سيد ترامب ولا درون و مادرونش . أنا عايزه أزور الأرض و بس .
ما أنا لازم أعرفك كل حاجه بالتفصيل علشان ماتوهيش مني
وتضيعي في الفضاء الشاسع واحنا مسافرين
للأرض . وغير كده لازم
أعلمك سواقة الدرون علشان هخليكي تشتغلي سواقة درون معايا وتكسبي فلوس
أرضية . لإن سيد
ترامب ده هو إل
***
سيد ترامب
لا تظن أن
تحالفك مع السيد إيلون ماسك يُهددنا و يؤذينا
. فنحن من نصنع الألاعيب ونحن الخالقون
و المبدعون و المنظمون لكل حدث صغير كان أو كبير يحدث فوق الأرض . عليك بإتمام المخططات
المطلوبة علي أكمل
وجه وانت تحت رحمتنا و مراقبتنا و إدارتنا نحن فقط . لأن لجوئك وتعاونك مع السيد
إيلون ماسك نحن لا نحسبه هروباً منا بل بالعكس سيد ترامب . أنت تهرب منا . إلي نهايتك
و قبرك
سيد عميق ...
أنا والسيد إيلون ماسك سنختبر قدراتكم قريباً . وسنملاء سماء الولايات المتحدة
بأصدقائنا
المنقلبون
عليكم ..
سنجعلهم يزورون سمائنا تحت إدارتي أنا والسيد إيلون ماسك . ونحن من نحذركم
من الإقتراب منهم
أو التصدي لهم . وسنري من هو الذي أصبح
أقوي .. السيد عميق وأعوانه ... أم ...
أنا ترامب و السيد إيلون ماسك .
ها ها سنري سيد ترامب ... سنري ..
***
رومدان ... ابوس
إيدك ماتقولش أسماء حد . مش كل شوية تقول أسم حد جديد وانت بتحكي أنا عايزه
أزور الأرض وبس
. مش عايزه أعرف مين سيد عميق و مين سيد بايدن
ومين سيد ترامب و مين السيده
كاملا ومين السيد إيلون ماسك اللي بيتحكموا في بعض وبيهددوا
بعض وبيتحكموا في الأرض كلها .
يا بنتي أتخرسي
شوية .. ماتخلنيش ألزق علي مراكز التخاطر اللي في مخك لزقة .. هخليكي تزوري
الأرض . بس لازم
تعرفي كل حاجه الأول .. وقد إيه المخلوقات البشرية دول مايستحقوش يعيشوا علي
الأرض لإنهم
هيدمروها قريب جداً جداً جداً .. أنا كنت
في بعثة سواقة الدرون الأخيره وشوفت بعيوني
الواسعه كل اللي
بيحصل ..
وإيه بقي اللي
حصل ... يا تري سيد عميق تصدي لبعثة الدرون ولا خاف من تهديدات السيد ترامب .
بصراحه يا
رومدانه ... السيد عميق خاف وماقدرش هو وأعوانه يقرب مننا أو يطلق حاجه اسمها عندهم
رصاصة واحدة علي
الدرونات .
معني كده إن السيد ترامب ده يا رومدان هو اللي بقي متحكم وأقوي منهم فعلاً ومش خايف من تهديدات
السيد عميق
وأعوانه .
أيوه صح يا
رومدانه نور الكون عليكي بالظبط هو ده اللي حصل . وغير كده السيد ترامب بقي فعلا
ذكي
إلي حد كبير .
لإنه ظهر في حاجه عندهم أسمها إعلام و تليفزيون و أخبار . و بيمثل أنه مش فاهم إيه
اللي
حاصل في سماء
أمريكا وقال إنه يجب التصدي لتلك الأجسام الغريبه . لكن إللي أنا أكتشفته أنا
وأصدقائي
الإليانيين السواقين
. إن الأفكار دي كلها هي أفكار السيد إيلون ماسك مش أفكار السيد ترامب .
رومدان انا تعبت
... علشان خاطري أنا عايزه أزور ألأرض . أتمني أشوفها قبل ما ينهوا عليها علشان
خاطري ولا عايزني أطلب من ربتلين مبربر .. همم ..
هتخليني أزورها ولا لاء أنطق تخاطر .
أوعدك يا
رومدانه هتزوري الأرض وهخليكي تزوريها في ثوانيهم الأخيره قبل تدميرها .. لإن فيه
مخططات مهوله زي
ما قولتلك بتحصل وهتحصل في أماكن كتير علي الأرض .
في مخططات لتفتيت فلسطين . وتفتيت السودان وتفتيت إثيوبيا وتفتيت سوريا وتفتيت لبنان وتفتيت ليبيا
وتفتيت العراق
وتفتيت الأردن وتفتيت تونس وتفتيت الجزائر وتفتيت المغرب وتفتيت إيران
وتفتيت
اليمن وتفتيت الإمارات وتفتيت السعودية وتفتيت مصر وجيش مصر وتفت
استنا عندك
استنا أستنا أسماء تاني أسماء تاني يا رومدان مين دول كمان مش فاهمه فهمني .
دي أسماء أماكن
أرضيه عندهم بيسموها أوطان ودول مش أسماء
مخلوقات بشريه زي السيد عميق
و السيد ترامب
طيب . مين اللي
عايز يفتت كل الأماكن دي يا تري السيد
عميق و لا السيد بايدن و لا السيد ترامب ولا
السيده
كاملا ولا السيد إيلون ماسك .
كلهم يا رومدانه كلهم عايزين يفتتوا . لإن إختلافهم مابيهددش هدفهم .
ممكن تفهمني بيفتتوا إزاي .. وياتري أنا لو اشتغلت معاك سواقة درون هفتت .
لاء مش هتفتتي
.. هما بيفتتوا بحاجه اسمها أساليب وأكاذيب هوليودية في الأول . وبعدين معدات
واَلات
حربية بقيادة دوله من دولهم اسمها إسرائيل تعتبر اَله من الاَلات الحربية للتفتيت و دول اخري متعاونه
غير الأمراض المُخلقة و إرسال الكوارث المُصنعة و غير الأسلحة النووية الذكية .
ثواني ضلام
الكون علي عينيك الواسعه يا رومدان أنا توهت مش
فاهمه حاجه . ممكن تفهمني بالترتيب .
حسِك عينيك تدعي
عليا تاني وتقولي ضلام الكون علي عيوني يا رومدانه مفهوم أنا مش مبربر إبن خالتك
وبعدين كفايا رغي و تخاطر ورانا مدرسة . قومي اتهببي أتحركي قومي .
استنا يا رومدان
.. ماتيجي نهرب من المدرسة و نروح نقعد علي صخور حلقات زحل و نجيب فشار و غزل
البنات ونبص علي
الأرض ونتأملها . إيه رأيك
تتصدقي فكره هايله . يلا بينا .
صخور زحل
رومدان .
نعم يا رومدانه .
أنا ......... أنا كمان عندي سر ومخبياه عنك أنت وبابا وماما بقالي
دشليون سنه ضوئية .
اممم سر .. مش
معني إن أنتي أصغر مني ب 365 مليون سنه ضوئية يبقالك أسرار . أوعي تكوني بتحبي
أو حد في
المدرسه بيعاكسك أو معجبه بحد لحسن قسماً
عظماً يا رو
أسكت أسكت أحب
إيه أنا لسه صغيره ..
أمال سر
إيه إنطقي تخاطري إحنا من صاعيدة الفضاء و معندناش إناث يكلموا ذكور انتي فهمه .
يابني اسكت
خليني أقولك السر ..
قولي أنا مفتح مراكز تخاطري علي الأخر وسامعك تحدثي .
بصراحه ... أنا كنت
بكدب عليك و كنت عامله نفسي مش فاهمه حاجه من اللي انت كنت بتقوله .. لكن ..
أنا ....... أنا بزور الأرض و بتشتغل سواقة درون أنا كمان و بكسب
فلوس أرضيه .
نعم !! . أنتي بتقولي إيه !!. يا ثقوب الكون السوده كلها علي دماغك ودماغ
عائلة إستبحس كلهم
أنتي بتتكلمي بجد تخاطري انطقي يا فاجره بتتكلمي بجد .
اوعي سيب إيدي
سيب دراعي هتكسره .. أيوه بتكلم بجد وأعرف
أسرار وحاجات عن الأرض أكتر منك
أنت شكلك سواق
درون جديد ومش فاهم حاجه ولا تعرف حاجه عن الأرض أصلاً .
تعرفي إيه بقي
يا ست هانم أكتر مني ده انتي وقعتك مهببه
مني و من أبوكي و من أمك . المشكله إن انتي
قرعه
ماعندكيش شعر علشان أعرف أمسكك منه بأيدي
.
الله يسامحك . الله يسامحك يا رومدان . كل ده علشان
واثقت فيك وقولتلك هقولك سر أنا غلطانه
وأستاهل
لعنة المجره و الأكوان المتعدده كلها أستاهل لعنة الأكوان المتعدده كلها .
خلاص اسكتي ..
أنا أسف ... ماتدعيش علي نفسك .. خدي
امسكي غزل البنات اللي بتحبيه .
مش عايزه حاجه منك ..
رومدانه حبيبتي . صدقيني مهما اتعصبت عليكي . عايزك
تعرفي إن أنا إليان من دم وعضم و عندي قلب
وبحس .. صدقيني أنا بتعصب
عليكي علشان بخاف عليكي بجد انتي اختي الصغيره
ولازم تفهمي كده .
بجد بتخاف عليا يا رومدان .. بجد .
طبعاً بخاف عليكي أنا ليا كام رومدانه غير رومدانه و حده و بس .
طيب خلاص أنا مش زعلانه
منك ..
***
الأرض
الولايات المتحدة الأمريكية
ولاية نيفادا
( المنطقه 51 )
الواحده بعد
منتصف الليل
غرفة حبس "
رومدان و رومدانه "
كمل .... كمل الحكاية يا رومدان ... لما أختك رومدانه
قالتلك أنا مش زعلانه منك . إيه اللي حصل
بعد كده .
أنا مش هقولك حاجه تاني غير لما أعرف انتوا عملتوا إيه
مع أختي .. انا عايز أشوف اختي الأول
وبعدين هقولك كل
اللي أنت عايز تعرفه .
قولتك أكتر من
مره إن أختك اللي كانت محبوسه معاك هنا هربت ومانعرفش هي فين ولا نعرف عنها أي
حاجه . أحنا
عمرنا ما حاولنا نعذب أصدقائنا الرماديين أو نتبع معاهم أساليب العنف . لأننا نعرف
كويس
أوي مدي قوتكم
المهولة اللي مُمكن تسحقنا .. لكن صدقني دي أوامر من السيد عميق . إن أنا اسيطر
عليك
بالأجهزه اللي
قدامك دي . وامنع عنك قوتك و اوقف عندك مراكز التخاطر و الحركة و التحكم . أنا
مجرد
جنرال بتشغل هنا
و باخد أوامر وبس . وغير كده إحنا لو كنا عايزين نئذيك أو نئذي أختك مكناش خلناكم
هنا في غرفة
الشيطان المُهئية ليكم واللي بتحافظ عليكم و بتخليكم
عايشين وعلي قيد الحياة .... كمل .
***
طبعاً بخاف عليكي
. أنا ليا كام رومدانه غير رومدانه و حده و بس .
طيب خلاص أنا مش زعلانه منك .... أنا زورت الأرض كتير . وأعرف بشري هايبر من دولة مصر
أسمه في الأرض نجم و أسمه في الكون الموازي إلز . هو حارس من حراس البوابات الخمسه
أخر مره شوفته فيها .. كانت قبل مايفتحوا الأبواب الخمسه ... قالي
***
رومدانه . ممكن
تكون دي المره الأخيره اللي أشوفك فيها . أحنا بنتسعد وبنتهيأ قبل فتح البوابات
الخمسه
علشان أروحنا تتحرر و نرتقي و هننتشر في الأرض كلها لإننا هنكون ملائكة .. إله الأرض الجديد .
" تم حذف الفقرات المتبقية عمداً "
دمتم بخير : محمد فيوري 🎉 عام سعيد " X "
جزء جديد قريباً
تعليقات
إرسال تعليق